Aizawl 13th JUne, 2024 (Thurs): Vawiin khan Aizawl Municipal Corporation, ward no. XIX by election neih turah, MNF Sr. Vice President Dr. R. Lalthangliana (Ex. Minister) chuan ward chhung veng hrang hrangah party hruaitu leh mipui tlawhkualin thu a sawi a, "AMC-a ruling nilai, sorkar ngialnghet tak siam mek MNF candidate Dr. Lalrinzuali Hrahsel hi vote tlak a ni a. Kohhran leh khawtlang tana mi tangkai leh rintlak, mi harsate khawngaihtu leh chhawrnaawm tak tur a ni," tiin Dr. Rinzuali vote turin ward mipuite a ngen.

Dr. Thangtea chuan, AMC dintirh ata sorkar inṭawm a lo ding tawh thin a. State khawpui ber hmasawnnan AMC sorkar lai, term pawh la hmang zo loah hian rorel lai mek thlantlin leh mai hi ward tan a fuh a. Sorkar ngialnghet tak din a pawimawhin, khawpui chei nan leh hmasawnnan a ṭul hle. He ward hi MNF AMC ruling-na ward a nih ang ngei a, sorkar ngialnghet a din zel theihna atan Dr. Rinzuali vote theuh turin mipui a ngen a ni. 

MNF Senior Vice President hi party hruaitu thenkhat leh khawtlang hruaitu engemaw zatin an tawiawm a ni.